quinta-feira, 21 de fevereiro de 2008

La Gameta 2003/2004

5 comentários:

Tiégui disse...

Buonos dies ! Toca a screbir qu'isso parece-me algo baziu...

héhé

Amadeu disse...

Buonas tardes,

Quiero dar ls parabienes al porsor Eiduarte i a todos ls alunos que hai quatro anhos fázen La Gameta, ua rebista que se tornou ua referéncia i que bai fazendo stória na lhéngua mirandesa screbida. Ide ponendo al modo que podirdes. Tiegui, mira bien, pus cuido que inda nun te deste de cuonta de l muito trabalho que bai por trás de La Gameta. Essa ye ua rialidade que nun se puode morrer.

Un abraço,
Amadeu Ferreira

Ana disse...

Buonos dies, Porsor Duarte,
Buonos dies tamien a todos ls alunos que stúdan Mirandés,

Pensai an poner ligaçones para que seia possible tamien ler i/ou reler ls testos que yá eiditórun nessa rebista que ten un títalo que you cunsidro pessonalmente, nun serei la única, bien guapo i sugestibo.
Ye ua cousa mui positiba que todos bós que daprendeis esta nuossa lhéngua puodades balorizar ls buossos trabalhos grácias a estas nuobas tecnologies que stan agora cada beç mais al nuosso alcance i an sítios bien guapos até, modernos, bien purparados i de fácele acesso cumo ye l causo por eisemplo, dei-me de cunta nestes dies, de l centro de anformática, an Miranda de l Douro, al lhado de las paraiges de ls outocarros i de la pousada. Nas horas bagas, tamien un sítio cumo esse ou aquel por eisemplo que you cunheço i que eisiste na Junta de Freguesie an Sendin puoden ajudar a todos i a bós tamien, an special aqueilhes que inda nun ténen cumputador, a ancuntrar la anspiraçon... anspiraçon tamien neçaira, penso, para screbir guapos testos nas buossas aulas de Mirandés.

Bien haia a todos anton! I ua cuntinaçon mui, mui, anspirada !

Ana Maria Fernandes, sendinesa i porsora de Pertués an França.

Ana disse...

Que çtraída ando por bezes! La ligaçon si ye possible. Oubrigada, Amadeu, por mo-lo ter dito.
Agora só me falta reler ls testos. Fazerei-lo cun muito gusto.
Até un die destes cun nuobos testos para ler de la buossa outorie.
Ana Maria Fernandes

Anônimo disse...

esta gameta esta um espetaculo